زايسان اۋدانىنا جۇمىس ساپارىمەن كەلگەن ايماق باسشىسى دانيال احمەتوۆ اۋدانعا جاڭا باسشىنى تاعايىندادى. اۋدان اكىمى بولىپ سەرىك زينابەك ۇلى زاينۋلدين تاعايىندالدى، دەپ حابارلايدى Qamshy.kz اقپارات اگەنتتىگى altaynews.kz دەرەگىنە سۇيەنىپ.
جاڭا اكىم بۇعان دەيىن كاتونقاراعاي جانە ءۇرجار اۋداندارىن باسقارعان.
- سەرىك زاينۋلدين 1964 جىلعى 25 اقپاندا زايسان اۋدانىنىڭ زايسان قالاسىندا تۋعان. 1981 جىلى اينابۇلاق ورتا مەكتەبىن ءتامامدادى.
- 1981-1986 جىلدارى – سەمەي زووۆەتەرينارلىق ينستيتۋتى زووتەحنيكالىق فاكۋلتەتىنىڭ ستۋدەنتى.
- 1986-1991 جىلدارى زايسان اۋدانىنداعى «اينابۇلاق» كەڭشارىندا باس زووتەحنيك بولىپ جۇمىس ىستەدى.
- 1991-1993 جىلدارى – «اينابۇلاق» كەڭشارىنىڭ ديرەكتورى، 1997 جىلعا دەيىن - اۋداندىق اۋىلشارۋاشىلىق باسقارماسىنىڭ باستىعى؛
- 1997-2004 جىلدارى سەرىك زينابەك ۇلى زايسان اۋدانى اكىمىنىڭ اۋىل شارۋاشىلىعى، قۇرىلىس جانە تۇرعىن ۇي-كوممۋنالدى شارۋاشىلىق ماسەلەلەرىنە باسشىلىق ەتەتىن ورىنباسارى؛
- 2004-2005 جىلدارى زايسان اۋدانى اكىمىنىڭ مىندەتىن اتقارۋشى قىزمەتىندە بولدى.
- 2007-2010 جىلدارى كاتونقاراعاي اۋدانىنىڭ اكىمى؛
- 2010 – 2013 جىلدارى زايسان اۋدانىنىڭ اكىمى قىزمەتتەرىن اتقاردى.
- 2013 جىلدىڭ 28 ماۋسىمىنان بەرى ءۇرجار اۋدانىنىڭ اكىمى قىزمەتىن اتقارىپ كەلگەن.
ەسكە سالا كەتەيىك، 19 اقپاندا شىعىس قازاقستان وبلىسىنىڭ زايسان اۋدانىنا قاراستى سارىتەرەك جانە اينابۇلاق اۋىلىنىڭ تۇرعىندارى اۋىل امبۋلاتورياسىنىڭ الدىنا جينالىپ، نارازىلىق ءبىلدىردى. ولار الەۋمەتتىك جەلىلەردە تاراعان «زايسان اۋدانىندا ءبىر توپ ادام كوروناۆيرۋس جۇقتىردى. قىتايمەن شەكارادا ينفەكسيا جۇقتىرعان ادامداردى اۋىل امبۋلاتورياسىندا ەمدەۋ ءۇشىن الىپ كەلەدى» دەگەن اقپاراتتى ەستىپ جينالعان.
پىكىر قالدىرۋ